Description
UDK: 341.124 (15.2)
КBК: 154.36
I.S.Xotamov, M.K.Olimov, G.R.Madrahimova, I.S.Foziljonov. Kreativ fikrlash. O’quv qo’llanma – Toshkent davlat iqtisodiyot universiteti. — T.: “Iqtisodiyot”, 2021 y. — 188 b.
Ushbu o’quv qo’llanmada taʼlimning asosiy vazifalaridan biri, ya’ni talabalarda jamiyatda muvaffaqiyatli hayot kechirishi uchun bugun va kelajakda kerak bo’ladigan ko’nikmalar va zamonga mos fikrlashni shakllantirishga oid mavzular yoritilgan. Bu o’quv qo’llanma dars matni yoki mustaqil o’quv qo’llanma sifatida ishlatilishi mumkin
Kreativ fikrlash bugungi yoshlar ega bo’lishi kerak bo’lgan muhim ko’nikmadir, bu ko’nikma ularga doimiy tarzda va shiddat bilan o’zgarayotgan XXI asr ko’nikmalariga ega kadrlarni taqozo etayotgan dunyoga moslashishga ko’maklashadi. Umuman olganda, bugungi o’quvchi kelajakda hozir hatto mavjud bo’lmagan sohalarda ishlashi, yangi muammolarni yangi texnologiyalar orqali hal etishi kutilmoqda. O’quvchida kreativ fikrlash ko’nikmasini shakllantirish ularga tobora murakkablashayotgan mahalliy va global muammolarni noodatiy yondashuv orqali hal etish imkonini beradi. Kreativ fikrlash zamonaviy bilim berishga qaratilgan ta’lim mobaynida ko’r-ko’rona yodlash o’rniga tadqiqot va ixtironi qo’llab-quvvatlaydigan yondashuvlar orqali rivojlantirilishi mumkin, talabalar kreativ fikrlashni ajrata olishlari, bunday fikrlashga mos shart-sharoitlarni bilishlari va o’zlari ham o’quvchilarga fikrlashda ko’proq ijodiy yondashishga yordam bera olishni bilishlari kerak.
Mazkur o’quv qo’llanma oliy ta’lim tizimida tahsil olayotgan talabalar, professor-o’qituvchilar hamda shu sohaga qiziquvchilar uchun mo’ljallangan.
| Taqrizchilar: | |
| B.T. Salimov | — TDIU, “Tarmoqlar iqtisodiyoti” kafedrasi professori,
iqtisodiyot fanlari doktori |
| A.J. Abdulloyev | — Buxoro davlat universiteti “Iqtisodiyot” kafedrasi
mudiri, PhD, dotsent |
Toshkent davlat iqtisodiyot universiteti Kengashining 2020 yil 28 noyabrdagi 4-sonli qarori asosida chop etishga tavsiya etilgan
© I.S.Xotamov, M.K.Olimov, G.R.Madrahimova, I.S.Foziljonov
© “Iqtisodiyot”, 2021
Reviews
There are no reviews yet.